Monday, February 14, 2011

എനിക്ക് വേണ്ടി

ഈ പെയ്തൊഴിയാത്ത മഴയത്ത്
ഞാന്‍ കുറെ സ്വപ്നങ്ങള്‍ നട്ടിട്ടുണ്ട്.
എനിക്കുവേണ്ടി നീയവക്ക് വളം ഇടണം .
ഇനി ഒരിക്കല്‍ അവ വളര്‍ന്നു
വക മരങ്ങള്‍ ആവും
മേയ് മാസങ്ങളിലെ വേനല്‍ച്ചൂടില്‍
തണുപ്പുള്ള മഞ്ഞപ്പൂക്കള്‍
നിനക്കായി വിരിയിക്കും.
ഞാന്‍ ഇനിയും
മുള്‍ച്ചെടികള്‍ മാത്രം മുളക്കുന്ന
മരുഭൂമികളിലേക്ക് തിരിച്ചുപോകും.
അവിടെ മണല്‍ക്കൂനകല്‍ക്കടിയിലാണ്
എന്റെ വാസസ്ഥാനം .
ഒരു ഇഴ ജന്തു മാത്രമായ എനിക്ക്
നിന്നോടൊപ്പം ആമയായി  ഓടാനാവില്ല.
ഞാന്‍ ഇനിയും തിരികെ വരും .
കട്ടില്‍ പറന്നു പോകാത്ത
കുറെ പകല്‍ക്കിനവുകളുമായി
നീയവ നിന്റെ തലയിണക്കീഴില്‍ സൂക്ഷിക്കണം .
ഞാന്‍ പരന്നുപോയാലും
ഉറക്കങ്ങളില്‍ നിനക്ക്
അവയെന്നും താരാട്ടു പാടും.
 

No comments:

Post a Comment