Monday, February 14, 2011

ജീവിതം.

വഴികളില്‍ വീണു മറയുന്ന നിഴലുകള്‍ പോലെ
മഴ കൊണ്ടെഴുതുന്ന വാക്കുകള്‍.
പുഴയുടെ കരളില്‍ ഇറങ്ങാതെ മറയുന്ന
അലകളില്‍ എഴുതിയ ചിത്രങ്ങള്‍.
തിരി നാളങ്ങളില്‍ കൊതി പറ്റി കരിയുന്ന
പിടയുന്ന പ്രാണി പോല്‍ സ്വപ്നങ്ങള്‍.
വെറുതെ ഒരു തോണി.
ഒഴുകുന്ന നദിയുടെ അറിയാത്ത കടവുകള്‍.
ലക്ഷ്യങ്ങള്‍ ഇല്ലാത്ത തുഴച്ചിലുകള്‍. 
ബാക്കിയാവുന്ന കണ്ണീര്‍ കടലുകള്‍
ഭാഗം വെച്ചെടുക്കാന്‍ എത്താത്ത ചോദ്യോത്തരങ്ങള്‍.
സ്നേഹമെന്നൊരു പ്രഹേളിക.
മോഹമെന്ന കുറെ മൌധ്യങ്ങള്‍ .
കാത്തിരിപ്പുകളുടെ ചങ്ങലകള്‍.
ഇര പിടിക്കുവാന്‍ കാലം എറിയുന്ന
കൊളുത്തുകള്‍.
ചൂണ്ടയില്‍ കുടുങ്ങിയ മത്സ്യം.
ഒടുക്കം
നോവുകളുടെ ഇരുട്ടില്‍
കഥയുടെ അവസാനം.

 

No comments:

Post a Comment