Monday, February 14, 2011

പ്രതികരണം

ബോംബു പൊട്ടി മുപ്പതുപേര്‍ മരിച്ചു.
റഷ്യയില്‍ ആയിരുന്നു.
എന്റെ വീട്ടിനടുത്തല്ല.
നാട്ടിലുമല്ല.
അത് കൊണ്ട് ഞാന്‍ ഒന്നും മിണ്ടാനും പോയില്ല.

എന്റെ വീട്ടിലെ കുഞ്ഞിനെ
ഒരു തേനീച്ച കുത്തി.
ഞാന്‍ തേനീച്ചയെ  പിടിച്ചു അടിച്ചു ചതച്ചു കൊന്നു.
അടുത്തുള്ള സകല കട്ടിലും മേട്ടിലും
പതുങ്ങിയും പതുങ്ങാതെയും ഇരുന്ന
തേനീച്ച കൂടുകളെ മുഴുവന്‍ കത്തിച്ചു.
തെനീച്ചയെപ്പോലെയിരുന്ന മറ്റു ഈച്ച കളെയും
തകര്‍ത്തു താണ്ടവം നടത്തി.
തെനീച്ചക്ക് കൂടുണ്ടാക്കാന്‍ ചില്ല കൊടുത്ത
വന്‍ മരങ്ങളെ വെട്ടി മാറ്റി ചുട്ടു കരിച്ചു.
കാടു പുകച്ചു .
എലികളും മുയലുകളും മാത്രം കുറെ ചത്തു.
 

No comments:

Post a Comment