വേലിക്കരികില്‍
അഞ്ചാറ് ചില്ലകള്‍
അഞ്ഞൂറ് വിരലുകള്‍ പോലെ
കൈത്തലം വിടര്‍ത്തുന്നു.
മണ്‍ നിറമുള്ള ഒരു
മെലിഞ്ഞ തണ്ട് ഭൂമിയെ നോക്കി
ഇലകളില്‍ പിടിച്ചു തൂങ്ങിയാടുന്നു.
ഒരു നൂറു മഞ്ഞ സൂര്യന്മാര്‍
കൈകോര്‍ത്തു പിടിച്ചു
തലങ്ങും വിലങ്ങും
തല കീഴായും കിടന്നു
കാറ്റിന്റെ
ഊഞ്ഞാലകളില്‍
കാല് കൊരുത്തു
മുന്നോട്ടും പിന്നോട്ടും ചാഞ്ചാടുന്നു .
കണി വെക്കാറായി.
കണ്ണനെയും കണി വെള്ളരിയെയും
നില വിളക്കുകളെയും
വെളുപ്പാന്‍ കാലത്തേ ഇരുട്ടിനെയും
ഉറങ്ങുന്ന കുഞ്ഞുങ്ങളെയും
തപ്പിയെടുക്കണം .
വാലന്‍ന്റൈന്‍ വെച്ച് മറന്ന
വീഞ്ഞ് പാത്രം മാത്രമേ കാണുന്നുള്ളൂ .
അഞ്ചാറ് ചില്ലകള്‍
അഞ്ഞൂറ് വിരലുകള്‍ പോലെ
കൈത്തലം വിടര്‍ത്തുന്നു.
മണ്‍ നിറമുള്ള ഒരു
മെലിഞ്ഞ തണ്ട് ഭൂമിയെ നോക്കി
ഇലകളില്‍ പിടിച്ചു തൂങ്ങിയാടുന്നു.
ഒരു നൂറു മഞ്ഞ സൂര്യന്മാര്‍
കൈകോര്‍ത്തു പിടിച്ചു
തലങ്ങും വിലങ്ങും
തല കീഴായും കിടന്നു
കാറ്റിന്റെ
ഊഞ്ഞാലകളില്‍
കാല് കൊരുത്തു
മുന്നോട്ടും പിന്നോട്ടും ചാഞ്ചാടുന്നു .
കണി വെക്കാറായി.
കണ്ണനെയും കണി വെള്ളരിയെയും
നില വിളക്കുകളെയും
വെളുപ്പാന്‍ കാലത്തേ ഇരുട്ടിനെയും
ഉറങ്ങുന്ന കുഞ്ഞുങ്ങളെയും
തപ്പിയെടുക്കണം .
വാലന്‍ന്റൈന്‍ വെച്ച് മറന്ന
വീഞ്ഞ് പാത്രം മാത്രമേ കാണുന്നുള്ളൂ .
No comments:
Post a Comment